نۇر-سۇلتان قالاسىنىڭ الماتى اۋداندىق اكىمدىگى مۇزقالاشىق سالۋعا 80 ملن تەڭگە جوسپارلاپ وتىر، دەپ حابارلادى ەۋرازيا ءبىرىنشى ارناسى.
ارنا 80 ملن تەڭگەگە نە سالىناتىنىن ءبىلۋ ءۇشىن اكىمدىككە حات جولداعان.
"الماتى" اۋدانىندا توعىز الاڭ. ونىڭ ىشىندە ءۇش تۇرعىن الابىندا جەتى مۇز توبەشىگى مەن بەس مۇز ايدىنى ورنالاسادى. سونداي-اق اۋداننىڭ ءۇش مەكتەبىنە ءۇش مۇز ايدىنى سالىنادى" دەلىنگەن حابارلامادا.
الايدا اكىمدىك مۇز قالاشىقتىڭ قۇنىنا قاتىستى پىكىر بىلدىرمەدى.
ساياساتكەر دوس كوشىمنىڭ ايتۋىنشا، پاندەميا كەزىندە قاراجاتتى ۇنەمدەپ جۇمساۋ كەرەك.
– ىندەت كەزىندە ءبارىمىز دە قاناعات تۇتىپ، اقشانى ۇنەمدەپ جۇمساۋعا كوشۋىمىز كەرەك. بۇل بىرىنشىدەن مەملەكەتكە ءتيىستى. مەملەكەتتىڭ حالىقتىڭ الدىندا بەلگىلى ءبىر مىندەتى بار. سوندىقتان 80 ميلليون تەڭگەگە مۇزقالا سالۋ – اقىلعا سىيمايتىن ماسەلە، – دەيدى ساياساتكەر.
پىكىر قالدىرۋ